Иммунды статусты бағалаудың заманауи әдістері көрсетілді

«Микробиология, аллергология және иммунология» кафедрасы «Иммунды статусты бағалаудың заманауи әдістері» ART-көрмесін өткізді.
Көрмеде иммундық жүйені зерттеу, иммунды статусты бағалау әдістері мен олардың клиникалық маңызы туралы түрлі ақпараттар ұсынылды. Иммундық жауаптың түрлі аспектілерін зерттейтін шығармашылық туындылар көрсетілді.
Көрменің мақсаты – иммунология тақырыбын кеңінен таныту, білім алушылар мен оқытушылардың ғылыми қызығушылығын арттыру, шығармашылық жұмыстар арқылы ғылыми білімді өнермен үйлестіру. Іс-шараға 50 студент, 20 оқытушы қамтылды.
Студенттер көрмеге ұсынған суреттер арқылы жиналғандарға иммунды статусты бағалаудың әртүрлі әдістерін, заманауи әдістердің медициналық тәжірибеде қолданылуын және иммундық жауаптың түрлі аспектілерін көрсетуге тырысты.